Ҳомиладор ва эмизикли аёл рўзаси ҳақида

Ассалому алайкум Шайҳ ҳазратлари, Саволларим қуйидагича: Ҳомиладор ва эмизикли аёл рўзаси ҳақида ушбу ҳадисларни ўқигандим. 1. Ибн Аббос розияллоҳу анҳудан ривоят қилинади: «Ва у(рўза)ни қийналиб тутадиганларга бир мискин таомини бериш» ояти қари чол ва қари кампирга тегишли рухсатдир. Икковлари рўзани қийналиб тутурлар. Улар оғизларини очиб, ҳар бир кун ўрнига бир мискинга таом берурлар. Ҳомиладор ва эмизукли аёллар қачонки қўрқсалар, оғизларини очурлар ва таом берурлар». 2 Абу Довуд ва Бухорий тафсирда ривоят қилган. Анас розияллоху анхудан, росулуллох соллаллоху алайхи ва саллам дедилар: "Аллох таоло мусофирдан рўзани ва намознинг ярмини кўтарди, хомиладор ва эмизувчи аёлдан хам рўзани кўтарди". Термизий ривояти хасан сахих хадис. Термизий айтадилар: баъзи ахли илмлар дедилар: Хомиладор ва эмизувчи аёл рўза тутмайдилар, хар кун эвазидан бир мискинни тўйдирадилар кейин казосини тутадилар. Бу сўзни Суфён, Молик, Шофеий ва Ахмадлар айтган. Баъзилари эса рўза тутмайдилар, мискин тўйдирадилар, казосини тутиб бермайдилар, агар хохласалар казосини тутадилар ва мискинларни тўйдирмайдилар- деганлар. Бу сўзни Исхок айтган. (Теримизий 715- хадис) Ханафий уламолар наздида улар рўза тутмасалар казосини тутадилар, мискинни тўйдирмайдилар".
Шунда қандай йўл тутилади? Рўза қазосини тутиш керек бўлса қачон ва қанча муддат тутилади? 2. Фидя бериш керак бўлса қанча миқдорга кимларга берилади? 3. Фидяни хотинни ўз молияси бўлмаса эри берадими унинг учун?