Бу ишлар хато эмасми?

Шайҳ Ҳазратлари. Адамиз бир ибодатга қаттиқ берилган киши билан танишгандилар. У кишининг баъзи ҳаракатлари бизга ғайри оддий туюлмоқда. Масалан, улар адамиз ва ойимизни "ўқиб қўйдилар" ва энди 3 кун давомида овқат емайсиз ва (ойимизга) кўчага чиқмайсиз, дедилар. Қолаверса "ўқиш" вақтида махсус олиб қўйган туз, чой ва ҳкз...ларнигина тановул қилишга ҳамда нон ейишга рухсат бердилар. У кишига бўлган ихлослари туфайли Ойимиз (ўт пуфаклари жарроҳлик йўли билан олиб ташланганлигига қарамасдан) овқат емаяптилар. Яна у киши эҳсон қилинган овқатларни емас эканлар; Аллоҳдан бошқага сен деб мурожаат қилишни таъқиқларканлар. Юқоридагилар улар тарғиб қилаётган фикрларнинг баъзиларига бўлиб Сизнинг қимматли вақтингизни олишдан ҳамда саволимнинг жавобсиз қолишидан қўрқиб иложи борича қисқартирдим. Ота-онам у кишига қаттиқ ихлос қилганларидан барча маслаҳатлариа амал қилишмоқда. Бу ишлар хато эмасми? Саволимдаги илмсизликларни афв учун афв қилинг.