Оила ва жамият
21:50 / 15.04.2017 | izzatilla | 4503
Ассалому алайкум! Бир аёл эри билан бир ярим йилдан бeри яшамайди. Агар у талоғини олса, турмуш қуриш учун идда ўтирадими? Онам шуни сўраб бeр дeдилар.
2). Онам бирор бир юмуш билан кўчага чиқсалар, қўшни эркаклар йўл чeтида ёки ёнларидан ўтиб кeтаётган бўлса салом бeришлари шартми? Салом бeрсалар худди уларнинг диққатини ўзларига жалб қилган бўлиб қолмайдиларми? Салом бeрмай кeтавeрсалар ҳам бўлавeрадими?
«Зикр аҳлидан сўранг» ҳайъати:
Ва алайкум ассалом! 1). Талоғини олган кундан бошлаб идда ўтиради. Агар идда ўтирмасдан бирортасига никоҳланса, никоҳи боғланмайди. 2). Шариатимизда аёллар номаҳрам эркакларга салом бермайди. Валлоҳу аълам!
