Ассалому алайкум! Мўмин банда мусофирчиликда фарз рўзасини тутмаса ҳам бўлади, уйга қайтганда қазосини тутиб беради деб эшитдим. Бу мажбурийми, ёки мусофирчиликда имконияти бўлса тутса бўладими? Тутса шарият қонунини бузиб гуноҳкор бўлмайдими? Қазосини тутиб берса ўша савобга эришадими? Раҳмат.
Ва алайкум ассалом!
Албатта, агар имкон бўлса тутгани яхши. Рамазондан кейин қазосини тутган одамдан рўза соқит бўлади, лекин Рамазон ойининг фазилати топилмайди.
Агар ўша куннинг рўзасини тутишни ният қилмаган ва ҳеч нарса емаган бўлса, бу юртга қуёш тиккага (қиёмга) келмасидан олдин кириб келиб, рўзани ният қилса, ўша кунги рўзаси жоиздир. Мабодо қуёш қиёмдан ўтганидан кейин кириб келса ёки муқимликни ният қилса, унда ўша куни рўза тутмай, кейин қазосини тутиб беради. Чунки қуёш қиёмга келгунига қадар овқат емаган одам ният қилса, нияти жоиз ва рўзаси рўза бўлади. Кун тиккага келгандан кейин эса, жоиз эмас.
وَلَوْ نَوَى مُسَافِرٌ الْفِطْرَ أَوْ لَمْ يَنْوِ فَأَقَامَ وَنَوَى الصَّوْمَ فِي وَقْتِهَا قَبْلَ الزَّوَالِ صَحَّ مُطْلَقًا وَيَجِبُ عَلَيْهِ الصَّوْمُ لَوْ كَانَ فِي رَمَضَانَ لِزَوَالِ الْمُرَخِّصِ
أَيَّامًا مَّعْدُودَاتٍ فَمَن كَانَ مِنكُم مَّرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَن تَطَوَّعَ خَيْرًا فَهُوَ خَيْرٌ لَّهُ وَأَن تَصُومُواْ خَيْرٌ لَّكُمْ إِن كُنتُمْ تَعْلَمُونَ