Қайси ҳолатда афзал?
18:18 / 05.05.2017 | Доние'рбек | 3599
Ассалому алайкум! Ҳурматли устозлар, агар жунуб инсон бўлса соқол ва тирноқни ғусл қилишдан олдин олган афзалми ёки ғусл қилиб поклангандан кейинми?
«Зикр аҳлидан сўранг» ҳайъати:
Ва алайкум ассалом! Бўлаверади, лекин афзали пок бўлиб олишдир. Чунки баъзи бир китобларимизда макруҳ ҳам дейилган.
حلق الشعر حالة الجنب مكروه و كذا قص الأظافيرظ كذا في الغرائبظ عالمكريه
Жунуб ҳолда тирноқ олиш, тукларни тозалаш макруҳдир («Фатавои Оламгирия»).
Юқоридаги матндан мутлақ, яъни макруҳи таҳримийлик тушунилади. Лекин қариналар(яъни бир ҳукмга далолат қилувчи омиллар) орқали макруҳи танзиҳийлик англанади. Валлоҳу аълам!
