Зикр савобини улашиш борасида

Ассалому алайкум! Ҳурматли «Зикр аҳлидан сўранг» ҳайъати. Аллоҳ сизларнинг ишингиздан рози ва мададкор бўлсин. Бир савол билан мурожат қилишган рухсат берсангиз. Мен Фазилатли шайхимиз Муҳаммад Содиқ Муҳаммад Юсуф (Аллоҳ раҳматига олсин) қаламларига мансуб «Ҳадис ва ҳаёт» тўпламининг 35-жузини ўқий бошлаб жуда кўтарилинки кайфиятга келдим. Аллоҳни зикр қилиш ила жуда катта савобларга эга бўлса бўлар экан. Алҳамдулиллаҳ.
Шу ерда менда бир савол туғилди. Мен Аллоҳга илтижо қилиб «Ё Роббим бундан буён қиладиган зикрларим ва истиғфорлардан хосил бўладиган савобларни 1/3 мархум отамга (Аллоҳ раҳматига олган бўлсин), иккинчи 1/3 ни онамларга ва охирги 1/3 ни ўзимга» десам бўладими? Яни бундай қилишга бизнинг мўтабар динимизда нима дейилган. Мақсадим ота-онамга савоб улашишда. Аввалдан ташаккур. Мухлисингиз Шохрух.