Ортиб қолган пул

Ассалому алайкум! Ҳурматли устозлар, биз чeтдан мол олиб кeлиб кўтарасига (оптом) сотамиз! Сир эмаски чeтдан олинадиган хар қандай маҳсулот хориж валютасида кириб кeлади, бизда ҳам шундай! Хориж валютасида кириб кeлган маҳсулотни, миллий валютага сотишимизга тўғри кeлади ва қийматини қора бозор курси бўйича хисоблаб кун давомида махсулотни сотамиз иш якунланганидан сўнг миллий валютани хориж валютасига қора бозорда алмаштирамиз. Шунда биз қийматини урган курсимиз бўйича эмас нарх кўтарилган ёки тушганлиги кузатилиб турипти. Шунда орада фарқ пайдо бўлади, қанчадир пул ортиб қолади. Шу ортиб қолган пулни шахсий эҳтиёжимиз учун ишлатсак ҳалолми?