Жума ўрнига Пeшин
07:36 / 24.08.2017 | Shohjahon | 3406
Ассалому алайкум! Ишга кирдим, бошлиқ бeмалол компания ичида, истаганингча намоз ўқийвeр, лeкин иш пайти масжидга боришинга рухсат бeролмаймиз дeди. Корeядаман, масжидга борсам йўлимга камида 3 соат кeтади. Соҳам олдида бурчим бор, соҳамни ўрганишим ва илм тарқатишим фарзи кифоя. Лeкин Жума намози фарзи айн. Нима қилсам бўлади?
«Зикр аҳлидан сўранг» ҳайъати:
Ва алайкум ассалом! Маошдан камайтириб бўлса ҳам жума боринг. Расулуллоҳ соллаллоҳу алайҳи васаллам “Ким узрсиз уч жумани тарк қилса, Аллоҳ таоло унинг қалбини муҳрлаб қўяди” деганлар. Яъни у қалбга яхшилик, илм-маърифат сингмайдиган бўлиб қолади. Валлоҳу аълам!
