Бировнинг ҳаққи
14:24 / 01.09.2017 | Фазлиддин | 3868
Ассалому алайкум! Ҳурматли устозлар, бизларга ёрдам беряпсизлар, Раҳмат! Мени бир нарса жуда қийнаб келади. Бир вақтлар мен нақд пул билан муомала қилиш жойида (кассада) ишлаганман. Биз танимаган инсонлар келиб пул топширишарди, шу пуллардан ноҳақлик билан ўзимнинг эҳтиёжимга ишлатганман. Энди у инсонларни тополмайман ва пул миқдорини қанчалигини билмайман. Мен қандай йўл тутишим керак? Аввало тавба қилиб бу ишлардан қайтганман.
«Зикр аҳлидан сўранг» ҳайъати:
Ва алайкум ассалом! Бу ҳақида жуда кўп жавоблар берилди. Сиз ҳам тавба қилишингиз, эгаларини топиб рози қилишингиз, агар умуман топишни имкони бўлмаса таҳмин қилиб, олганингиздан кўпроғини уларнинг номидан садақа қилишингиз вожиб бўлади. Топишни имкони бўлатуриб садақа қилишингиз жоиз эмас. Валлоҳу аълам!
