Хилхона қилиш
12:26 / 10.09.2017 | Davron | 6439
Ассалому алайкум! Қабристонга хилхона қилиб ўраб олиш дурустми? Жоиз ишми ёки ундай қилмаган афзалми?
«Зикр аҳлидан сўранг» ҳайъати:
Ва алайкум ассалом! Ўзининг шахсий мулки бўлган ердан қабр учун жой тайёрлаб олиш, ўзиники қилиб чегаралаш жоиз. Лекин оммага тегишли вақф қилинган қабристондан жой ажратиб олиш, қабр тайёрлатиб қўйиш яхши эмас.
وَيَحْفِرُ قَبْرًا لِنَفْسِه، وَقِيلَ يُكْرَهُ
«Ўзи учун қабр тайёрлаб олиш жоиздир. Бир қавлда макруҳ, дейилган» (Роддул Мухтор). Бу икки гапни уламолар: «Ўзининг еридан бўлса, жоиз, оммага тегишли ердан бўлса, жоиз эмас», деб мувофиқлаштирганлар. Валлоҳу аълам!
