Қариндошларни ёмон кўриш
Ассалому алайкум! Уйимга кўп яқин қариндошларим кeлишади. Мен уларни ёмон кўраман, сабаби фолчи, қоқимчиларга боришади ва аҳли оиламни боришга ундашади. Улардан нафратланиб кeтаман ҳатто. Бундай ўзимни тутишим тўғрими? Бу борада мeнга қанақа маслаҳат бeрасизлар? Аллоҳ рози бўлсин.
Ва алайкум ассалом! Шариатимизда ҳатто кофирдан ҳам, фосиқдан ҳам, гуноҳкордан ҳам нафратланиш йўқ. Аксинча унинг куфридан, фисқидан, гуноҳидан нафратланиш бор. Нафратнинг изҳорини ҳам ўшаларга қаратиш керак. Бунинг учун сиз уларга гўзал тарзда у ишларнинг гуноҳлигини тушунтириш, қўлингиздан келса у ишларни олдини олиш, мабодо буларнинг бирортасига рози бўлмаса “мен сизни зотингиздан эмас, қиладиган ушбу ишларингиздан норозиман” деб алоқани узиш керак. Валлоҳу аълам!
