Абу Ҳурайра розияллоҳу анҳудан ривоят қилинади:«Набий соллаллоҳу алайҳи васаллам:«Огоҳ бўлинглар! Дунё малъундир ва ундаги нарсалар малъундир. Илло, Аллоҳнинг зикри, У Зотнинг яхши кўрган нарсаси, олим бўлиш ва таълим олиш мустаснодир», дедилар».Ушбу ҳадиси шарифда банда учун бу дунёда қилиш керак бўлган нарсалар зикр қилинмоқда:Аллоҳнинг зикри.Бундан мурод, Аллоҳ таолонинг ибодатидир. Яъни, Аллоҳ таолони ва У Зотнинг амрларини эслаб, адо этиладиган амаллардир.У Зотнинг яхши кўрган нарсаси.Аллоҳ таоло қайси нарсаларни яхши кўришини Қуръони Карим ва Пайғамбар алайҳиссаломнинг суннатлари баён қилиб берган.Олим бўлиш.Аллоҳ таоло нозил қилган диннинг аҳкомларини ўрганиб, олим бўлиш учун қилинадиган ишлар ҳам энг яхши амаллардандир. Аллоҳ таолонинг ҳузурида олимларнинг мартабалари қанчалар улуғ эканлигини шундан ҳам билиб олиш мумкин.Таълим олиш.Аллоҳ таолони рози қиладиган илмларни ўрганиш ҳам жуда зарур ва Аллоҳ таолога ёқадиган ишлардандир. Шунинг учун мўмин киши доимо илм олишга ҳаракат қилиши лозим.Мазкур тўрт нарсани бир четга қўйиб, дунёнинг ортидан тушиш эса Аллоҳ таоло лаънатлаган нарсанинг ортидан тушиш бўлади.