Еб-ичишдан савоб ҳосил бўладими?
Ассалому алайкум! «Еган-ичгандан хосил бўлган савоб…» деб баъзилар дуо қилишади. Шу тўғрими? Еган-ичгандан савоб хосил бўлмайди деб бир имомдан маърузада эшитгандим. Еган-ичганга яъни ризқимизга Аллоҳга ҳамд-санолар айтиш жоиз деб билганман, аммо бундан савоб борлигини билмайман. Жавобингиз учун олдиндан миннатдорман.
Ва алайкум ассалом! Таомни “Бисмиллаҳ” билан бошлаб, суннатга мувофиқ еб, тоат ва яхшиликларга қувват бўлсин деб ейиш ва уни ибодатга сарфлаш савобли амал ҳисобланади. Аммо ҳадеб «Еган-ичгандан хосил булган савоб…» деб бағишлаш кўп ўринларда тўғри ҳам бўлмайди. Чунки кекиртагигача таом еб орқасидан ибодат қилиш ўрнига овқатни сингдириш учун сувлар ичиб, қувватига телевизор тагига ётиб олишни савобли иш деб бўлмайди. Валлоҳу аълам!
