Табиий фанларни илм даражасида ўрганиш

Ассалому алайкум! Сизларга катта рахмат, Аллоҳ рози бўлсин яхшилик ишларингиздан. Саволим қуйидагича: маълумки табиий, ижтимоий, гуманитар ва аниқ фанлар мавжуд. Айнан табиий фанларни ўрганиш, илмий таҳлиллар ва изланишлар қилишда табиатдан келиб чиққан ҳолда амалга оширилади, мисол учун айтиш мумкинки: зоологлар бирор ҳайвон устида, ботаниклар ўсимликлар устида тажрибалар ўтказади, геологлар илмий ютуқлар орқали ер қарини, сейсмологлар эса зилзилани ўрганишади ва биламизки бундай соҳаларда прогноз (башорат эмас) берилади, (бошқа-бошқа тур жонзот вакилларини чатиштириб янги тур хосил қилади, зилзилаларни яқин, ўрта ва узоқ вақтларга прогнозлашади,...) бу каби ишлар билан машғул бўлиш Аллоҳнинг ишига аралашиш бўлиб қолмайдими, биламизки олимлар дунёнинг 1 устунидир, олим бўламан деб дўзаҳий бўлиб қолмайдими? Булар хам илм, илм ўрганиш керак, лекин бу тақлид илмларни ўрганиш жоизми?