Жаҳрийми махфийми?
Ассалому алайкум! Азиз устозлар, фиқҳ уз сайтида «Ижмоъ қилинган фиқҳий масалалар рўйхати» мақоласини ўқиб қолдим. Намозга бағишланган қисмининг 5 бандида шом ва хуфтон намозларининг аввалги икки ракъатлари жахрий, қолганлари эса махфий қироат қилинади, деб айтилган. Бу жамоат намозига тегишлими ёки барча намозлар учунми? Намоз ўқишни бошлаган вақтларим барча ракъатларни жахрий ўқир эдим. Улар дуруст ва тўғри бўлганми? Бир мурожаатда иккита савол берганим учун узр сўрайман. Жавобингиз учун ташаккур.
Ва алайкум ассалом! “Шом ва хуфтон намозларининг аввалги икки ракъатлари жахрий, қолганлари эса махфий қироат қилинади” деб айтилгани тўғри. Ёлғиз ўқилганда ушбу икки намозни махфий ёки жаҳрий қилишда ихтиёрлимиз. Сиз ўқиган намозларингизни қайта ўқишга ҳожат йўқ. Валлоҳу аълам!
