Насронийлик ҳақида
00:00 / 18.08.2010 | eski savollar | 2444
Ассалому алайкум Шайх ҳазратлари, саволим қуйидагича:Менинг билишимча, Муҳаммад соллаллоҳу алайҳи васаллам пайғамбаримиздан бошқа барча пайғамбарлар маълум қавмгагина келганлар ва шу қавмнигина Аллоҳнинг амри бўйича ҳидоятга бошлаганлар. Пайғамбаримиз соллаллоҳу алайҳи васаллам эса омматан келганлар. Агар шу рост бўлса, Ийсо алайҳиссалом яҳудийлар учун келган пайғамбар эдилар.Унда биз ҳозир насоро деб атаганлар Ийсо алайҳиссаломга уммат бўла оладими? Насронийлик ҳақ дин деб қабул қила оламизми?Шайҳ ҳазратлари саволим агар ўта нотўғри бўлса, илтимос ранжиманг. Менинг илмсизлигим деб билинг, менга тўғрисини билдиринг.Дуо қилинг, мени ҳам Аллоҳ ҳидоятдагилар қаторида қилсин.Катта раҳмат.
Шайх Муҳаммад Содиқ Муҳаммад Юсуф роҳимаҳуллоҳ:
- Ўшанда бу дийнга яҳудийлардан бошқалар кирса бўлмайди, деган гап бўлмаган. Шунинг Ийсо алайҳиссаломга эргашганлар учун у киши келтирган нарсалар дийн бўлиб қолаверган. Уларни Қуръони Карим ҳам насорор деб атаган. Расулуллоҳ соллаллоҳу алайҳи васаллам ҳам шундай деганлар ва улар билан муомалалар қилганлар.
