Фиқҳул-акбар китоби
11:16 / 05.12.2021 | Abdulaziz | 991
Ассалому алайкум! ,,Аллоҳ таоло йўқ нарсани йўқлик ҳолида йўқ деб билади. Шунингдек, уни вужудга келтирганида қандай бўлишини ҳам билади."(Фиқҳул-акбар китобидан иқтибос). Илтимос, юқоридаги Абу Ҳанифа раҳматуллоҳи алайҳи айтган матнларни тушунтириб берсангизлар.
«Зикр аҳлидан сўранг» ҳайъати:
– Ва алайкум ассалом! Аллоҳ таоло йўқ нарсани йўқлик ҳолида йўқ деб билади (яъни йўқлик, мавжуд эмаслик сифати билан билади). Шунингдек, уни вужудга келтирганда қандай бўлишини ҳам билади (яъни, рубубият оламида. У зот бирор нарса мавжуд бўлмаслигини ҳам, агар бўлганида қандай бўлишини ҳам билади).
Аллоҳ таолонинг илм сифати ҳақида сўз кетаяпти. Валлоҳу аълам!
