«Ҳидоя» асари ҳақида
Ассалому алайкум ва раҳматуллоҳи ва барокатуҳ. Ҳурматли Шайx ҳазратлари, ижозат берсангиз, сизга ўзимни қизиқтирган бир саволни берсам. Биз Ислом билим юртида ўқиб юрган вақтларда, Аллоҳ улардан рози бўлсин, устозларимиз: «Аҳли сунна вал жамоанинг тўртта фиқҳий мазҳаби тўғрилигига иймон келтирамиз», деб ўргатишган эди. Аллоҳ насиб қилиб, Ислом оламининг мўътабар китобларидан бўлган «Ҳидоя» асарини ўқишга муяссар бўляпман. Мени ўйлантирган нарса шуки, бу асарда бошқа мазҳабдагиларнинг фикри қаттиқ танқид қилинган. Шуни тушунтириб берсангиз, илтимос.
- Ва алайкум ассалом! Ўша вақтлардаги шароит шундай қилишни талаб этган. Яъни бошқа мазҳаблардан кўра ўз мазҳабини кўпроқ мақташ одати кучайган. Бу оддий ҳолат. Аммо умумий тарзда тўрт мазҳабнинг ҳақ эканлиги, улар бир-бирларини эҳтиром қилишлари лозимлиги доимий равишда уқдириб келинади.
Валлоҳу аълам.
Дин ишлари бўйича қўмитанинг хулосаси рақами: 2022 йил 03-07/1077
