Қўшни билан ер бўлиш
12:55 / 21.06.2018 | Абдусамад | 2770
Ассалому алайкум! Азиз устозлар, мен қўшнимиз билан чегарани аниқлаб олдим, лекин чегара биз тарафдан белгиланган бўлиб қолди. Кейин мен қўшним билан белгилаган чегарадан у йўқлигида узунлиги 5м жойни 10смга улар тарафга суриб бетон қуйиб олдим. Ҳозирда шу ҳолатда турибди. Бу ишимни ҳукми қандай? Жавобингиз учун олдиндан раҳмат. Аллоҳ ҳаммамизни ҳидоят қилсин.
«Зикр аҳлидан сўранг» ҳайъати:
Ваалайкум ассалом! Ўзингизникидан кечиб қўшиб берсангиз яхши. Уларникидан қўшиб олган бўлсангиз бу ҳақида Расулуллоҳ соллаллоҳу алайҳи васалламнинг «Ким бир қарич ерга зулм қилса, қиёмат куни етти қават ердан бўйнига товқ (кишан) солинади», деганлар. Валлоҳу аълам!
