коъчадаги холат
20:22 / 02.08.2018 | Ergashev | 2096
Ассалому алайкум! Устозлар, Аллоҳ учун тақво қилишга харакат қиляпман. Мен ишим билан кўчада юраман, минг харакат қилсам ҳам ёш қизлар ўрта ва катта аёллар хам, очиқ айтсам ечиниб юришибди. Авратлари гўёки хеч нарсамасдек, бир катта илми жуда кучли домла “Шундай Аллоҳ ва расули қайтарган нарсаларга кўзингиз тушса Аллоҳнинг лаънати бўлсин демасак гуноҳкор бўламиз” деб айтдилар. Шундай дейишимиз керакми?
«Зикр аҳлидан сўранг» ҳайъати:
- Ва алайкум ассалом! Бундай демаслик керак. Кўпроқ истиғфор айтишимиз керак. Лаънат ҳам истиғфор ҳам бир оғиздан чиқади. Лаънат тегса ҳароб қилади, истиғфор айтиб тавфиқ сўраб қолсак тўғриланишига умид бўлади. Ҳатто шайтонни сўкиб вақт сарфламай уни ёмонлигидан паноҳ сўраш керак.
عن أبي هريرة رضي الله عنه قال: قال رسول الله صلى الله عليه وسلم: " لا تسبوا الشيطان , وتعوذوا بالله من شره " . رواه أبو طاهر المخلص
Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи васаллам: “Шайтонни сўкиб юрманглар. Аллоҳдан унинг ёмонлигидан паноҳ беришини сўранглар” деганлар. Валлоҳу аълам!
