Оилам номидан ўтадими?
20:41 / 24.08.2018 | Жасуржон | 1951
Ассалому алайкум! Ҳурматли устозлар, ортиқча маблағим бўлмаганлиги учун қурбонлик қилишга қодир эмасман. Лекин дўстим қўнғироқ қилиб иккаламизга қўй олиб қўйдим деб хабар берди. Бири сени номингдан бири мени деган маънода. Шароитимни билгани учун ҳам мендан пул сўрамайди. Бундай қурбонликнинг мен учун хукми қандай? Бу қурбонликни менинг оилам номидан бағишлашим мумкинми?
«Зикр аҳлидан сўранг» ҳайъати:
- Ва алайкум ассалом! Оилангиз эмас шахсан ўзингиз номингиздан қиласиз. “Битта оилага бир қўй етади” деган гап шайтон ёки дин душманларининг ўйлаб топган гапларидир. Валлоҳу аълам!
