Карзга олинган телефон
14:32 / 20.09.2018 | Sardorbek Yakubov | 3711
Ассалому алайкум! Хозирда Японияда юрган хамюртларимизга Япон алоқа компаниялари томонидан телефонлар бўлиб тўлаш шарти билан берилябди. Хамюртларимиз 3-4 тадан телефон олиб хаққини тўламай кетишиб қолмоқда. Нега тўламайсизлар деб сўрасам булар кофирлар тўламасак хам бўлаверади дейишмоқда. Бу ишларнинг қиёматда хукми қандай бўлади?
«Зикр аҳлидан сўранг» ҳайъати:
- Ва алайкум ассалом! Улар нотўғри тушунчада экан. Мусулмонни ҳаққидан кўра кофирларни ҳаққи оғирроқ бўлади. Уларни қилган иши хоинлик ҳисобланади. Қиёматда ўша телефонлар эвазига солиҳ амаллари билан тўлашига тўғри келади. Агар амаллари етмаса ҳақдорларни гуноҳлари улар зиммасига юклатилади. Валлоҳу аълам!
