Намоз ўқиш ҳақидаги оят
19:18 / 06.10.2018 | Мухаммадакбар | 2427
Ассалому алайкум! Бир яқин дўстим Қуръонда бир кунда беш вақт намоз ўқилиши ёзилмаган деб тортишяпти.
«Зикр аҳлидан сўранг» ҳайъати:
– Ва алайкум ассалом! Қуръонда намозни ўқишлиги фарз деб айтилган. Мутавотир ҳадисларда беш вақт бўлиши айтилган. Расулуллоҳ соллаллоҳу алайҳи васаллам ҳаётлари мобайнида намуна қилиб кўрсатиб берганлар. Бошқа амаллар ҳам шу. Закот, рўза ва бошқа амалларнинг фарзлиги зикр қилинган, мутавотир ҳадисларда эса қанчадан ва қайси вақтда адо қилиниши баён қилинган. Валлоҳу аълам!
