Ароқ ичган тавбасиз ўлса
20:28 / 12.11.2018 | ™° $@£0}{¿|}|}¿/\/ ™° | 21475
Ассалому алайкум! Устозлар, ароқ ичган кимса тавбасиз ўлса, қабрини очинг юзини қиблага қарши ҳолатда кўрсангиз, мени ўлдиринг. Абдуллоҳ ибн Масъуд. Шу ҳадисни шарҳини ёритиб бера оласизларми? Тушунмадим-да
«Зикр аҳлидан сўранг» ҳайъати:
- Ва алайкум ассалом! Юзини қиблага қарши кўрсангиз эмас балки кўрмасангиз дейилган.
Мўмин ҳолда вафот топмаган инсонларни қабрда юзини қибладан буриб қўйилади. Аллоҳ таоло ароқ ичишни бутга сиғинишга тенг қилган. Аллоҳ таоло “Моида” суроасида марҳамат қилади :
يَا أَيُّهَا الَّذِينَ آمَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ
90. Эй иймон келтирганлар! Албатта, хамр, қимор, бутлар ва (фол очар) чўплар ифлосдир. Шайтоннинг ишидир. Бас, ундан четда бўлинг. Шоядки, зафар топсангиз.
Ароқ ичишдан ҳам энг хатарлиси унга тавба қилолмасдан ўлиб кетишдир. Абдуллоҳ ибн Масъуд розияллоҳу анҳунинг гаплари ўшаларга тегишлидир. Валлоҳу аълам!
