Насронийларга ўхшаб кийиниш
10:47 / 18.12.2018 | Г₽еШNicK | 2144
Ассалому алайкум! Ҳурматли устозлар, Аллоҳ илмингизни бунданда зиёда қилсин Пайғамбаримиз соллаллоҳу алайҳи васалламнинг бир хадисларида “Ким бир қавмга тақлид қилса у ўшалардандир” деганлар. Саволим шуки агар насронийларнинг магазинлардан кийим сотиб олса (ёзувли ёки расмли) шуларни кийса хам шулардан бўлиб қоладими?
«Зикр аҳлидан сўранг» ҳайъати:
- Ва алайкум ассалом! Динимизда мусулмон ва муслимага махсус кийим йўқ. Энг аввало авратларини беркитиш фарз. Иккинчидан бошқа дин вакилларининг диний либосларини кийиш жоиз эмас. Диний бўлмаган либосларини кийиш жоиз. Фосиқларга хос бўлган кийимларни кийиш ҳам жоиз эмас. Расулуллоҳ соллаллоҳу алайҳи васалламнинг замоналарида у зот ва саҳобаларнинг кийимлари Абу Лаҳаб ва Абу Жаҳлларнинг кийимларидан фарқ қилмаган. Биргина саллаларида фарқ қилган. Мушриклар дўпписиз салла ўраган бўлишса Расулуллоҳ соллаллоҳу алайҳи васаллам ва саҳобалар дўппи устидан салла ўраганлар. Валлоҳу аълам!
