Намоздан сўнг саловат айтиш тўғрими
Шайҳ ҳазратлари сизга саволим бор эди, агар бу савол олдин берилган бўлса узримни сўрайман, ҳали ҳамма саволларга жавобларни кўриб чиқишга улгурмадим, саволлар: 1. "Жума куни Имом ҳутба ўқиётганда ўртада бир оз ўтириб "Роббана аатина"ни ўқиб дуо қилган пайтда хутба тинглаётганлар ҳам дуо қилса бўладими? 2. Баъзи бир масжидларда намоздан кейинги Қуръон тиловатидан кетин Росулуллоҳ соллаллоҳу алайҳи васалламга саловат айтилади, аммо кўпчилик масжидларда бу иш қилинмайди, ушбу амалга ҳужжат борми? 3. Росуллуллоҳ соллаллоҳу алайҳи васаллам бир неча ҳадисларида изорни(менимча бу ҳозирги кундаги шимларга ҳам тааллуқли) тўпиқдан тепада қилиб кийишни айтганлар, шу ҳадис хусусида ҳукм. 4. Негадир сўнгги пайтларда менда сустлашиш кузатилаяпти, ҳаётга бўлган қизиқиш ҳам йўқолиб бормоқда, инсонларни ёмон кўриб кетаяпман, оиладаги муносабатларда ҳам ўз ўрнида эмас, илтимос маслаҳат беринг мен нима қилай? Бир ўйлаб-ўйлаб бошқа шаҳарга бош олиб кетайми дедим, аммо...
1. Бўлади.
2. Ҳужжат йўқ. Қилган савоб олади. Қилмаган маломат қилинмайди.
3. бу ҳадислар собит ва сҳиҳ ҳадислар. Унга амал қилганлар савоб оладилар. Аммо худди шу маънода бошқа ҳадислар ҳам бор. Уларда мазкур иш, яъни, изорни тўпиқдан пастга тушириб юриш, кибр учун бўлмаслиги шарт қилинган. Шунинг учун бу маънони таъкидлаган уламолар ҳам бор.
4. Сабр ила Аллоҳнинг Ўзидан ёрдам сўраш ва ўша ҳолатга сабаб бўлган омилларни бартараф қилишга ҳаракат этиш лозим. Аллоҳнинг Ўзи ёрламчи бўлсин!
