Савол

Бисмиллахир Рохманир Рохийм. АЛЛОҲ таолога беҳисоб, чексиз Ҳамду-Санолар бўлсин! АЛЛОҲ таолонинг Ҳабиби Пайғамбаримиз Муҳаммад соллАЛЛОҲУ алайҳи ва саллам ҳазратларига, Аҳли Оиласига ва Саҳобаларига беҳисоб, чексиз Саловат ва Саломлар бўлсин! АсСаламу алайкум Устоз! Соғликларингиз яхшими. Сизга бир савол билан мурожаат қилмоқчи едим. Бу саволим нотўғри бўлса олдиндан узр. Бир куни қариндошларимиз, шу жумладан холам “ўлган одамнинг рухи билан гаплаштирадиган” бир аёлнинг уйига боришибди. У аёл айтибдики ҳаммаларинг кўзларинг юминглар фақат бир кишининг кўзига кўринади дебди. Холамнинг айтишича кейин кўзига бир адирликда кетаётгани кўринибди. Йўлда ўлган момосини ва бобосини кўрибди. Улар билан гаплашибди. Момоси номоз ўқинглар деб айтибди. Менга бу воқеани бошқалар айтганда ишонмадим. Кейин холамга айтдимки, “менга тўғрисини айтинг шу нарса ҳақиқатдан бўлдими, сиз ҳақиқатдан шуларни кўрдингизми?” деган саволимга “ҳа” деб жавоб берди. Мен иккиланиб қолдим ва бу ҳақида Сизга савол беришни ният қилдим. Устоз Сиз бу ҳақида нима дейсиз?