Харбий хизмат

Ассалому алайкум! Алҳамдулиллаҳ, Аллоҳнинг буйруқларига амал қилишга ҳаракат қилаяпман. Алҳамдулиллаҳ, жамиятимизда анча яхши ўзгаришлар содир бўлмоқда. Яқинда харбий хизматга кетишим мумкинлиги ҳақида хабар олдим. Агар харбий хизматга кетишга тўғри келса, биз оддий мусулмонлар нималарга эътибор беришимиз керак? Ниятни қандай қилишимиз керак? Бу ҳолатга харбий илмни ўрганиш деб қараш тўғрими? (Бундай қараш саҳобаларнинг ҳаёт тарзини ўргангандан сўнг келиб чиққан.) У ерда бўладиган ҳолатлардан маълумки, у ерда намоз, рўза каби ибодатларнинг бажарилишини осон эмаслигини, умуман бажаришга имкон бўлмаслигини биламиз. Ёки қандайдир йўл билан харбий хизматга яроқли эмас деган ҳужжат қилдиришим керакми? Фикримча, бундай мавзуга йўлиққан ёшларимиз ҳам кўп. Сизлардан илтимосим, саволим шуки, шу мавзуга батафсилроқ, иложи бўлса ҳар бир бўлимига, жавоб берсангизлар! Аллоҳ яхшилик ила мукофотласин!