Имомга эргашиш
23:33 / 25.02.2019 | Husan | 2327
Ассалому алайкум! @Саволлар_канал 4659-савол юзасидан сурамохчи эдим. Имомга эргашишда, имом “Аллоҳу акбар” деганда, иқтидо қилувчи ҳам Аллоҳу акбар деб ўзига эшитилмайдиган даражада (ичида) айтган бўлса шу ўқиган намозларини қайта ўқиши керакми?
«Зикр аҳлидан сўранг» ҳайъати:
- Ва алайкум ассалом! Ҳа. Чунки бунда фарз бўлган такбирни айтиш тарк қилинган бўлади. У такбир адо бўлиши учун энг ками ўзи эшитадиган даражада овоз чиқиши шарт. Дилидан ўтказиши кифоя қилмайди. Жаноза намозида эса тўрттала такбирни ҳам ўзи эшитадиган қилиб айтиши шарт. Валлоҳу аълам!
