Закот адо бўладими?
22:03 / 26.04.2019 | Noma'lum | 1687
Ассалому алайкум! Илм истагида савол берганларга шариятимиз доирасида бераётган жавобларингиз учун Аллоҳ сизлардан рози бўлсин. Мен ишга 2018-йилнинг октябр ойида кирдим. Ўртача ҳисобда ойига 2.500.000 сўм топаман. Ҳар ой топганимнинг камида 10 дан 1 қисмини ҳайр-эҳсонга сарф қилиб юбораман. Саволларим: 1) Менинг молим нисобга етган ҳисобланадими?
2). Мен қандай тартибда закот бераман?
3). Ҳар ойда қилган эҳсоним закот ҳисобига ўтиб кетмайдими?
«Зикр аҳлидан сўранг» ҳайъати:
- Ва алайкум ассалом! 2.500.000ни эътибори йўқ. тўпланиб 16.500.000га етса ва бир йилдан кейин ҳам қўлингизда ўшанча пул турган бўлса закот беришингиз фарз бўлади. Орада камайиб кўпайишнинг эътибори йўқ. Ҳайри эҳсон билан закот адо бўлмайди. Валлоҳу аълам!
