Дарди бе даво Инсонлар

Ассалому алайкум, ҳурматли Шайх Ҳазратлари! Саволга бераётган жавобларингиз учун раҳмат. Мен умримда ҳид сезмаганман. Ҳид нима эканини, уни қандай бўлишишини билмаймайман. Гуллар мен учун бор йўғи гўзал манзара. Бу дунё ифорсиз бўшлиқ. Албатта, мен бундан нолишни ўйламайман, аммо баъзида шундай ҳис туйғу бўладики "Нима учун бу миллион одамни ичида айнан мен?" деган савол ҳам қийнаши мумкин. Ҳолбуки, бу дунёда умрида ранг кўрмаган, инсон шаклини тасаввур ҳам қила олмайдиган инсонлар бор. Ҳолбуки, бу дунёда товуш нима эканини билмайдиган инсонлар бор. Энг ачинарлиси еяётган таомини мазасини умрида сезмаган ва сезмайдиган инсонлар бор. Биз эса ношукрмиз. Меники уларнинг дадрди олдида энг енгилидир. Бутун умр кўрмасликдан, эшитмасликдан, гапира олмасликдан, таъм сезмасликдан кўра шунчаки ҳид сезмаслик яхшироқдир. Айтингчи Ҳазрат, Инсон вафот этганидан сўнг кўрмаган кўзлар кўра бошлайдими? Илк ҳидни ўша дамда сезамизми?