Масжиддаги қўпол одамлар
00:00 / 19.05.2011 | eski savollar | 2542
Тошкентдаги масжидларда ҳам қўпол ўзбек чоллар, ҳатто баъзи муаззин ва имомлар бор. Одам шуларни қўполлигидан олдига боргиси, ҳатто башарасига қарагиси ҳам келмайди. Мен яшаётган чет элда эса масжидларда қўпол, маданиятсиз одамлар ундан ҳам кўп. Айниқса ҳабашлар ва яна баъзи мамлакатдан келганлар қўпол, ёқимсиз одамлар. Бу нарса жума намозига чиққанда айниқса менга ёмон таъсир қилади. Буларни қўполлигидан, ёмонлигидан қочиб жумага чиқмай десам гуноҳ бўлади. Шу нарсадан ҳайрон бўлиб сизга савол йўллаяпман...
Шайх Муҳаммад Содиқ Муҳаммад Юсуф роҳимаҳуллоҳ:
- Одамлар ҳар хил бўладилар. Мусулмон одам қўпол кишиларни кўрганда, уларга ўхшаш керак эмаслигини эсга олиши ва уларга ҳам насийҳат қилиш лозим. Бу ҳолат ҳамма халқларда бор. Ҳамма мулойим бўлиши имконсиз ҳол.
