Намоз ҳақида
Ассалому алайкум! Бермоқчи бўлган саволим шундай. Ҳар доим намозга тураман деб ўзимга ваъда бераман, лекин тура олмайман. Кундузи ўқийман дейман иложи бўлмайди 3 та фарзандим ҳали кичкина улар билан овора бўлиб қоламан. Қандай қилсам намозларимни ўз вақтида ўқийман. Аллоҳдан дуо қилиб сўрайми? Дуолари бўлса айтсангизлар.
Ва алайкум ассалом! Одатда Аллоҳ таолонинг муомаласи кофирларга бошқача, мўминларга бошқача бўлади. Кофирлар худоликни даъво қилган тақдирда ҳам Аллоҳ таоло уларга ризқни мўл-кўл қилиб, саломат қилиб бераверади. Охиратда эса битмас-туганмас азоб беради. Мўминларни эса ҳар бир хатоси учун, қолдирган намозлари учун бирор балога гирифтор қилади. Шу билан тозаланиб, охиратда жаннатга киради. Сизнинг бу ҳолатингиз ўзингизга бир балони кутишдан иборатдир. Ёки ўз ихтиёрингиз билан ибодат қилинг, ёки йиғлаб ибодатлар қилишингизга тўғри келади. Валлоҳу аълам!
