Шом пайтида ухлаш
Ассалому алайкум! Шом пайтида ухлашни хосияти яхшимас дейишади. Бир иккита илмлилардан сўрасам бўлмайди дейишяпти. Лекин далил айта олишмаяпти. Шу саволга шаръий жавоб борми? Агар мумкин бўлмаса болаларга ҳам талуқлими бу масала? Жавобингиз учун олдиндан минг бор ташаккур!
Ва алайкум ассалом!
عن أسلم أن عمر بن الخطاب رضي الله عنه كتب: إن وقت العشاء الآخرة إذا غاب الشفق إلى ثلث الليل، ولا تؤخروه إلى ذلك، إلا من شغل، ولا تناموا قبلها، فمن نام قبلها، فلا نامت عيناه. قالها ثلاثا
Аслам розияллоҳу анҳудан ривоят қилинади:"Умар ибн Хаттоб розияллоҳу анҳу амалдорларига мактуб ёзиб : “Хуфтон вақти шафақ ғойиб бўлганидан кечанинг учдан биригачадир. Бунгача кечиктирманглар. Ким бирор нарсага машғул бўлиб кечиктирса, майли. Хуфтондан олдин ухламанглар, ким хуфтондан олдин ухласа кўзига уйқу илинмасин, кўзига уйқу илинмасин, кўзига уйқу илинмасин” деб уч бора айтди" деди.
“Мусаннаф ибн Аби Шайба” китобида тобеъинлардан бўлган Макҳул раҳматуллоҳи алайҳдан : “Асрдан кейин ухловчи кишига вас-вас бўлиш хавфи бор” деганлари ривоят қилинган. Валлоҳу аълам!
