Кофир дейиш
15:10 / 18.10.2019 | АбуМубина | 2039
Ассалому алайкум! Мен фейсбукда ўзбек миллатига мансуб атеист ва кофирлар кўпайиб қолди десам, бир дўстим: кофир дема, унақа деб бўлмайди Аллоҳ таоло махшарда сендан нимага кофирни кофир демадинг деб сўрамайди, аксинча нимага кофир дединг деб сўрайди. Шу сенга керакми деб айтди. Мен эса: ахир кофирлиги аниқ бўлса, Аллоҳга ишонмайман деса, Пайғамбаримизни масхара қилса, ёки хочга сиғинса, албатта уни кофир дейманда дедим. У эса ўша гапида туриб олди, сенга нимага керак деб. Саволим шуки, мен хато гапириб қўймадимми?
«Зикр аҳлидан сўранг» ҳайъати:
– Ва алайкум ассалом! Кофирни кофир дейишликнинг ҳеч қандай зарари йўқ. Кофирмас одамни кофир дейишдан қаттиқ сақланиш керак. Валлоҳу аълам!
