Тўйга бориш
Ассалому алайкум! Аллоҳ таоло: «Ўз уйларингизда барқарор бўлинглар (яъни бесабаб уйларингиздан ташқарига чиқманглар)» “Аҳзоб” сураси 33-оят. Абу Ҳурайра розияллоҳу анҳу ривоят қилган ҳадисда Пайғамбаримиз соллаллоҳу алайҳи васаллам: «Таомларнинг ёмони валиманинг таомидир, унга келганлар ман қилинади, хоҳламаганлар чақирилади, ким чақириққа жавоб бермаса Аллоҳ ва расулига осий бўлибди» деганлар. Савол: Муслима қиз ва аёлларни чақирилган валимага боришлари дурустми?
Ва алайкум ассалом! Ҳадисда қуйидагича келган:
حَدَّثَنَا عَبْدُ اللهِ بْنُ يُوسُفَ، أَخْبَرَنَا مَالِكٌ، عَنِ ابْنِ شِهَابٍ، عَنِ الْأَعْرَجِ، عَنْ أَبِي هُرَيْرَةَ رضي الله عنه أَنَّهُ كَانَ يَقُولُ: شَرُّ الطَّعَامِ طَعَامُ الْوَلِيمَةِ يُدْعَى لَهَا الْأَغْنِيَاءُ، وَيُتْرَكُ الْفُقَرَاءُ، وَمَنْ تَرَكَ الدَّعْوَةَ فَقَدْ عَصَى اللهَ وَرَسُولَهُ صلي الله عليه وسلم. تحفة:
Аъраждан ривоят қилинади:
“Бойлар чақирилиб, мискинлар чақирилмайдиган валийманинг таоми қандай ҳам ёмон таом. Ким чақириққа келмаса, батаҳқиқ Аллоҳ ва Унинг расулига осий бўлибди”. Юқоридаги ҳадис ҳақида Абдуллоҳ ибн Масъуд розияллоҳу анҳу: “Бойларгина чақирилиб, фақирлар чақирилмаган бўлса, у ерга бормасликка буюрилганмиз” деганлар. (Фатҳул Борий).
حَدَّثَنَا عَبْدُ الرَّحْمَنِ بْنُ الْمُبَارَكِ، حَدَّثَنَا عَبْدُ الْوَارِثِ، حَدَّثَنَا عَبْدُ الْعَزِيزِ بْنُ صُهَيْبٍ، عَنْ أَنَسِ بْنِ مَالِكٍ رضي الله عنه قَالَ: أَبْصَرَ النَّبِيُّ صلي الله عليه وسلم نِسَاءً وَصِبْيَانًا مُقْبِلِينَ مِنْ عُرْسٍ، فَقَامَ مُمْتَنًّا فَقَالَ: «اللَّهُمَّ أَنْتُمْ مِنْ أَحَبِّ النَّاسِ إِلَيَّ». طرفه: 3785 - تحفة: 1052 5180.
Анас ибн Молик розияллоҳу анҳудан ривоят қилинади:
«Набий соллаллоҳу алайҳи васаллам никоҳ тўйидан келаётган аёллар ва болаларни кўриб, мамнун бўлиб ўринларидан турдилар да: «Ё Аллоҳ! Сизлар мен учун инсонларнинг энг севимлиларидансиз!» дедилар».(“Олтин силсила” китобидан Саҳиҳул Бухорий). Муслима аёллар мункар ишлар содир бўлаётган жойларга бормасликлар керак. Валлоҳу аълам!
