Карздорнинг васияти
08:21 / 25.08.2019 | Abboskhon | 1931
Ассалому алайкум! Биздан (2шерик) бир кишининг катта миқдордаги қарзи бор эди. У киши олдинги хафта вафот этиб қолди. Хозир мархумнинг қарзларини укаси ўз бўйнига олибди. Аммо укасининг молиявий шароити бу суммани тўлашга қурби етмайди, мархумнинг хам 4 фарзанди етим қолишди. 2-3 ой олдин қарздор САСда бирдан "вафот этиб қолсам, қарздан кечиб юборманг, тўлаб беришади" дея таъкидлади. Шу сўзлар васиятдек бўлиб қолган бўлса, бу вазиятда қандай йўл тутиш керак? Бу қарздаги ўз хиссамдан кечсам бўладими? Шеригимнинг кечиш нияти йўқ. Унинг талаби қанчалар тўғри?
«Зикр аҳлидан сўранг» ҳайъати:
– Ва алайкум ассалом! Кечсангиз бўлади. Шеригингизни талаб қилишга ҳаққи бор. Валлоҳу аълам!
