Қабристондаги эҳсон ва ҳақ эвазига хатм қилиш
17:10 / 20.09.2019 | Nusratillox | 2019
Ассалому алайкум! Қабристонда эхсон қилиш мумкинмаслигини биламан, лекин дадам қабристонда эҳсонларга кўп боради. Қабристонда эхсон қилганлар дадамга хатми Қуръон буюришади. Дадамга қабристонда эхсонга борса бўлмайди деб айта олмаяпман. Дадамга буюрган хатми Қуръонни мен ўқийман. Шуни ўқисам мен хам гунохига шерик бўлмайманми?
«Зикр аҳлидан сўранг» ҳайъати:
– Ва алайкум ассалом! Ҳақ эвазига хатм қилдириш жоиз эмас. Агар эвазига ҳақ олмаса хатм қилиб ўтганларга бағишлашда ҳеч қандай гуноҳ йўқ. Қабристонда эҳсон қилишнинг ҳам икки томони бор. Ўша қабристондаги бирор улуғ зотга атаб жонлиқ сўйиб эҳсон қилинса бу жоиз эмас. Бирортаси халққа ош берса, ночорларни дуосини оламан деса бу жоиз. Аслида ўша эҳсонини ночорларнинг уйларига тарқатиб қўйиши энг афзали бўлади. Валлоҳу аълам!
