Самиъаллоҳу лиман ҳамидаҳ
11:44 / 13.10.2019 | abdulqodir_a1 | 2968
Ассалому алайкум! Мухтасарул виқоянинг ўзбекча шарҳи Мажмаъ ул-мақсуд китоби 105-бетида "ҳамидаҳ" нинг "ҳо" сини маълум қилгай, яъни сокин қилғай, "ҳамидаҳ" ни "ҳо" сиз ўқиса, намози фосид бўлур" дейилган. Буни мен "самиъАллоҳу лиман ҳамидаҳ" дегандаги "ҳамидаҳ" сўзининг охиридаги юмшоқ "ҳ" ни изҳор қилиб, билдириб ўқиш керак деб тушундим. Кўпчилик бунга эътибор қилмайди. Устозлардан сўрасак, бунда маъно ўзгарадиган холат йўқ дейишди. Китобдаги гапни қандай тушинимиз керак.
«Зикр аҳлидан сўранг» ҳайъати:
– Ва алайкум ассалом! Сиз тўғри тушунибсиз. Охиргидаги “ҳ” мурод. Бу билан намоз бузилмайди. Валлоҳу аълам!
