Закот ўрнига эҳсон
14:38 / 21.10.2019 | Ergashali | 1668
Ассалому алайкум! Биламизки моли нисобга етганлар закот беришлари шарт. Аммо бой одам садақа ва эҳсонларни кўп кўп қилиб, бойлигининг нисобини закот фарз бўлмайдиган даражада ҳайр-эҳсон қилиб юрса ҳам мумкинми ёки ҳаммасини йиғиб закот бергани савоблироқми?
«Зикр аҳлидан сўранг» ҳайъати:
– Ва алайкум ассалом! Фарзни адо қилиш савобига ҳеч нарса етмайди. Кимлардир бор молини қўлида тарқатган бўлса, уларнинг табиатида ортиқча саҳоват бўлган. У ўта юқори мақом ҳисобланади. Соҳталик билан унга эришиб бўлмайди. Бир мисол Оиша розияллоҳу анҳо рўза тутдилар. Бир муҳтож нарса сўраб келиб қолган эди ифторликка олиб қўйган нарсасини бериб юбордилар. Ўзлари эса рўзани ифторликсиз очадиган бўлдилар. Бунга парво ҳам қилмадилар. Валлоҳу аълам!
