Картинг мусобақаси ҳақида

Ассалому алайкум! Бизнинг Наманган шаҳримизда телеграм ижтимоий тармоғида "водители намангана" номи билан машхур гуруҳ фаолият юритади. Гуруҳнинг мақсади ёрдамга муҳтожлар учун ёрдам бериш. Ҳозирда гуруҳ фаолияти кенгайиб ҳокимият билан ҳамкорликда картинг мусобақасини уйиштиришмоқчи бўлиб туришибди. Мусобақада қатнашиш шартлари эълон қилингандан сўнг кўпчилик орасида бахс мунозара авж олиб кетди. Ташкилотчилар мусобақада қатнашиш учун 50.000дан тўлов борлигини айтишди. Биринчи, иккинчи, учинчи ўринни эгаллаганлар учун совға борлигини билганимиздан кейин кўпчилик буни қимор деди яна кимдир бошқа фикрда. Ташкилотчилар йиғиладиган 50.000дан пулни совға саломга ишлатмасликларини, совғаларни ҳокимият томонидан берилишини, йиғиладиган пул эса ташкилий ишлар учун ишлатилишини айтишди. Шундан сўнг ҳаммада шубҳа уйғонди. Ҳақиқатан ҳам бу қиморми? Агарда йиғиладиган пул совға саломга ишлатилмаса шу тартибда тадбир ўтказиб жоизми?