Фойдасиз илм
13:21 / 07.12.2019 | 1622
Ассалому алайкум! Устозлар мен бир хадисда Расулуллоҳ соллаллоҳу алайҳи васаллам фойдасиз илмдан деб дуо қилганликларини ўқидим ва мулохаза қилдим демак пайгамбаримиз ўрганган жамийки нарсалар фойдасиз эмас. Биз ўрганвотган адабиётлар, математикалар, физикалар хаммаси бефойда илм. У илмга бу дунёда мухтож бўлармиз чунки у бу дунё илими, уни ўрнига динимизди яхшилаб ўрганиб ал Бухорий бобомиздек динга хизмат қиладиган инсон бўлишиз керак деб ўйлайман.
«Зикр аҳлидан сўранг» ҳайъати:
– Ва алайкум ассалом! Нотўғри ўйламанг. Охират учун дин илмини, яхши ҳаёт учун дунё илмини ўрганиш керак. Бирини қўйиб бошқасини қилиш, бу худди икки қанотнинг биридан маҳрум бўлишдир. Унда инсон учолмай қолади. Валлоҳу аълам!
