Эҳсонни қабул қилмаса
Ассалому алайкум! Бир биродаримиз рамазон ойидан кейин яна 6 кун рўза тутиб келяптилар. Савоб умидида чин кўнгилдан ифторлик қилиб беришни ният қилиб егуликлар олдим (карантин туфайли). Биродаримиз қабул қилмадилар хижолат бўлдим дедилар, савоб умидида десам ҳам қабул қилмадилар. Нима қиларимни билмай ўша ерга (кўчага) қўйиб келдим. Бу ишим билан гуноҳкор бўлдимми? Савоб умидида гуноҳга боттимми деб жуда қўрқяпман, нима қиларимни билмаяпман бориб кечирим сўрашим керакми?
– Ва алайкум ассалом! Эҳсон қилишингиз тўғри, аммо кўчага ташлаб кетишингиз нотўғри. У инсон Расулуллоҳ соллаллоҳу алайҳи васалламнинг суннатларига зид иш қилибди. Расулуллоҳ соллаллоҳу алайҳи васаллам беғараз қилинган ҳадяни қабул қилар эдилар. Агар қабул қилмаса сиз ҳам бошқа муҳтожни топиб бериб юборишингиз керак эди. Вазиятни чигаллаштиришга ҳожат йўқ эди. Валлоҳу аълам!
