Тақсит савдоси
12:44 / 11.06.2020 | Исломбек | 1257
Ассалому алайкум! Мен 7ой илгари машина олдим. Мени 1300$ пулим бор эди. Биз машинани ўзимиз 6300$га топдик. У киши билан мен 1300$ қўшаман сиз қолган 5000$ қўшиб бизга насияга беринг деб келишган эдик. Насияга берувчининг вакили нотариусга келиб олди берди қилиб олишди(сотувчи ва олувчи). Хамма келишувлар хам машина билан бўлди. Жумладан машина хам насияга берувчининг номига расмийлаштирилди. У киши машинага қўшган 5000$ 3йилга 8000$ қилиб бўлиб ишлашга келишдик. Мени қийнаётган савол бу тақсит савдойимиз дурустми? Агар дуруст бўлмаса қандай йўл тутайлик?
«Зикр аҳлидан сўранг» ҳайъати:
– Ва алайкум ассалом! Аввал у одам ўзига сотиб олиб, кейин сизга сотса жоиз. Шундай қилиш керак эди. Валлоҳу аълам!
