Исломий гуруҳ ва каналда реклама

Ассалому алайкум! Аллоҳ ҳақ асос ила бераётган жавобларингиздан рози бўлсин. Мен гуруҳдан саволим бўйича жавоб топа олмадим. Шу сабаб сизларга савол юборяпман. Саволимга берилган жавоб билмаганимни билиш, керак жойда иккиланмаслик учун асос бўлади деб умид қиламан. Телеграм тармоғидан фойдаланаман. Мени бир гуриҳга қўшиб қўйишди. Бу гуруҳга мени ўз танишларим қўшган. Чунки гуруҳда шундай ёзилган экан: "... Савоб умидида таниш (одам) қўшинг... Ажрини Аллоҳ беради... Аллоҳ одам қўшаётганлардан рози бўлсин..." Гуруҳни бошқарадиганлар гуруҳда реклама орқасидан даромад топишади. Гуруҳга саволлар.ислом.уз сайтидан олинган маʼлумотлар жойланади. Савоб умидида қўшилган одамлар сони 200.000 га яқинлашиб қолган. Савол: Аллоҳ розилиги учун одам қўшинг деб, Аллоҳ розилиги учун қўшилган одамларни орқасидан реклама сабаб пул ишлаш ҳалолми? "Сиз Аллоҳ учун гуруҳимга одам қўшинг, мен реклама қўйиб пул ишлайман" маʼносида иш бўляпти деб ўйлайман. Бу тўғрими ўзи?