Аллоҳнинг Шофий исми ҳақида
Ассалому алайкум! 1. Аллоҳнинг "Шофий" деган исми борми? Бор бўлса шу ҳақда маълумот берсангиз.
2. Аллоҳнинг исмлари олдидан келадиган қўшимчалар ҳақида ҳам бу нима маънода ёки араб гараматикаси қоидасими? Мисол учун: Ар-Раҳим, Ал-Малик
– Ва алайкум ассалом! Ҳа. Расулуллоҳ соллаллоҳу алайҳи васаллам ҳадиси шарифларида Аллоҳ таолони Шофий сифати билан зикр қилганлар.
عَنْ أَنَسٍ رَضِي اللهُ عَنْهُ أَنَّهُ قَالَ لثَابِتٍ حِيْنَ قَالَ لَهُ اشْتَكَيْتُ: أَلَا أَرْقِيكَ بِرُقْيَةِ رَسُولِ اللهِ صَلَّى اللهُ عَلَيْهِ وَسَلَّمَ؟ قَالَ: بَلَى، قَالَ: اللَّهُمَّ رَبَّ النَّاسِ مُذْهِبَ الْبَأْسِ اشْفِ أَنْتَ الشَّافِي لَا شَافِيَ إِلَّا أَنْتَ شِفَاءً لَا يُغَادِرُ سَقَمًا. رَوَاهُ الْأَرْبَعَةُ
Анас розияллоҳу анҳудан ривоят қилинади:
«У киши ўзига «Тобим йўқ», деган Собитга:
«Сенга Расулуллоҳ соллаллоҳу алайҳи васалламнинг дам солишлари ила дам солиб қўяйми?» деди.
«Ҳа», деди у.
«Аллоҳумма! Роббаннаси, музҳибал баъси. Ишфи. Анташ-шаафий. Лаа шаафия иллаа анта. Шифаан лаа юғодиру сақман», деди».
Тўртовлари ривоят қилганлар.
2). Грамматика қоидаси. Валлоҳу аълам!
