Сабр қила олмай қолдим
00:00 / 19.02.2015 | saida hasanova | 4106
Турмуш ўртоғим мендан 20 ёш катта. Етим бўлганим учун катта одамга турмушга бераверишган. Мени ота-онам боқиб олганлиги учун унча ҳурмат қилмайди, менсимайди. Бирор хато иш қилсам “ҳаромисан, ҳаром ҳеч қачон ҳалол бўлмайди” деб уради. Ажраша олмайман, чунки 3 та болам билан борадиган жойим йўқ. Пайғамбаримиз (с.а.в): “Кимки ул етим менинг хос умматим” деган эканлар. Турмуш ўртоғим мени боқаётгани учун камситишга ҳаққи борми? Ўзи шундай дейди. Нима қилай, сабр қилишга кучим етмай қолаяпти.
Шайх Муҳаммад Содиқ Муҳаммад Юсуф роҳимаҳуллоҳ:
Ҳаққи йўқ. Расулуллоҳ соллаллоҳу алайҳи васаллам: “яхшиларингиз хотини урмайди”, деганлар. Хотинини урганлар ёмон ва номард одамлар бўлади.
