Хижоб тогрисида
Ассалому алайкум! Аллоҳга шукур 5 вақт ибодатдаман. Аллоҳ кўнглимга солиб хижобга киришни ният қилдим ва буни турмуш ўртоғимга билдирдим. Лекин турмуш ўртоғим ва қайнонам бунга қарши бўлишди. Улар замонавий инсонлар. Саволим шундан иборатки эркак аёлининг кийинишига жавобгар бўлади лекин аёли хижобга киришни хохласаю эр рози бўлмаса гуноҳи ҳам эркакнинг бўйнида бўладими?
– Ва алайкум ассалом! Сиз уларни замонавий инсон деб қолганларни замондан ортда қолган деган бўлиб қоласиз. Аслида мусулмон икки хил бўлади. Динига амал қиладиган мусулмон, динига амал қилмайдиган фосиқ мусулмон. Шундай десангиз тўғри бўлади. Сиз динингизга амал қилишга ҳаракат қилинг. Сиз айтган ҳолатда эр ҳам Аллоҳнинг буйруғини бажармаган хотин ҳам гуноҳкор бўласизлар. Тушунтиришда давомли бўлинг, тақводор аёллар билан кўриштиринг. Валлоҳу аълам!
