Норозилик билан берилган пулни масжидга бериш
Ассалому алайкум! Мен таксистман, менда шундай воқеа бўлди. Мен йўлдан клиент олдим ва айтган жойига 300-400метир қолганда йўлда яна 1 та одам турган экан ўша клиентни хам олмоқчи эдим мошинамдаги клиент одам олманг деди. Мен айтдим манзилингизга оз қолдику деб йўлдаги клиентни олмоқчи эдим мошинамдаги клиент пулини бериб норози бўлгандай тушиб кетди. Манзилгача бормасдан, энди мен бояги клиент берган пулни рўзғоримга ишлатишга ноқулай бўлиб турибман. Нима қилсам бўлади? Мачит қутичасига клиент номидан деб солсаммикан деган хаёлдаман.
– Ва алайкум ассалом! Масжид ҳаром ёки шубҳали ёки ташландиқ пуллар ишлатиладиган жой эмас. Расулуллоҳ соллаллоҳу алайҳи васаллам замоналарида сел келиб Каъба бузилди. Шунда мушрик бўлган қавм ҳам фақат фақат пешона теридан бўлган пулни қўшинглар деб шарт қўйишган. Бу шарт қиёматгача бўладиган ҳамма масжидларга тегишли. Ҳаром ва шубҳали пулларда қурилган масжидда ҳам намоз ўқиш макруҳ. Валлоҳу аълам!
