Намозга оид саволлар
10:27 / 11.11.2020 | Vohidjon Abdurahmanov | 2238
Ассалому алайкум! Саждаи сахв бу намоздаги хатоликларни тўғрилайди дейилган китобларда. Қазо қилинган намоз учун хам саждаи сахв қилинадими?
2) Шом намозининг вақтини кўпчилик 30 дақиқа ёки 45 дақиқа дейишади. Аслида шом намозининг вақти хуфтон намозига азон чақирилгунига қадар дейилганини ўқигандим. Базида вазият тақозоси билан шомни хуфтонга яқин вақтларда ўқишга тўғри келади. (Буни одат қилиб олиш учун сўрамаяпман) Шомни хуфтонга азон айтилишидан 10-15 дақиқа аввал ўқилса, қазо бўлмайдими?
«Зикр аҳлидан сўранг» ҳайъати:
– Ва алайкум ассалом! 1). Қазо ўқиётганида хато қилса унда ҳам саждаи саҳв қилинади. Нафлда ҳам.
2). Абу Ҳанифа раҳматуллоҳи алайҳнинг қавлларига кўра қазо бўлмайди. Валлоҳу аълам!
